Соопштенија

РЕАКЦИЈА ПО УКИНУВАЊЕТО НА ЗАКОНОТ ЗА СПРЕЧУВАЊЕ И ЗАШТИТА ОД ДИСКРИМИНАЦИЈА

Final 2

Националниот младински совет на Македонија со загриженост ја прими веста за одлуката за укинување на Законот за спречување и заштита од дискриминација. Навистина е неприфатливо што ваков законски текст на кој долго време работеше граѓанското општество да е укинат поради процедурални причини и недоследности.

Со ова законско решение за прв пат се забрани дискриминација врз основа на сексуална ориентација и родов идентитет, но и се овозможи законска и правна заштита на ЛГБТИ лицата. Тоа значи чекор напред кон унапредување на правата на оваа категорија на граѓани и приближување кон еднаквоста кон која сите се стремиме. Важноста на овој закон е препознатлива и преку широката поддршка која истиот ја доби од на национално ниво, но и од меѓународната заедница и важните политички актери. Овој закон беше оценет како добар напредок во областа на фундаменталните права од страна на Европската комисија, а воедно и услов кој Холандија и го постави на Северна Македонија за отпочнување на преговорите за влез во Европската Унија.

Националниот младински совет на Македонија смета дека е од особено значење овој закон да влезе во скратена собраниска процедура во првиот момент кога Собранието на Република Северна Македонија ќе се воспостави, а веднаш потоа и да се спроведе постапката за избор на нови членови во Комисијата за спречување и заштита од дискриминација, со цел граѓаните конечно да добијат подобра, постручна и поефикасна заштита на нивните основни права и слободи.

Ваквиот чекор ќе покаже дека сме држава која ги гарантира основните човекови права и заштита од дискриминација за сите, и дека сме држава која навистина се стреми кон европска интеграција.

Сите се еднакви пред законот и имаат право, без каква било дискриминација, на еднаква заштита на законот. На сите им припаѓа еднаква заштита од каква и да е дискриминација, што е во спротивност на оваа Декларација и од какво и да е поттикнување на таква дискриминација.

Повеќе

Младите се во криза – ИТНИ препораки за намалување на негативните ефекти од Ковид19

helping-1080x675

ПОСЛЕДИЦИТЕ ВРЗ МЛАДИТЕ ОД КРИЗАТА ЌЕ ТРААТ ДОЛГО, МОРА ДА СЕ ДЕЛУВА ИТНО

Документ со итни препораки на граѓанските организации за намалување на негативните ефекти врз младите

Здравствено – економската криза предизвикана од Ковид-19 веќе се одразува врз македонското општество и неговите ранливи групи, а младите ќе бидат посебно тешко погодени. Поради ова група граѓански организации изготви итни препораки до институциите за да се намали негативниот ефект од кризата на младите во оваа вонредна состојба. Групата ги повикува граѓанските организации заинтересирани за добросостојбата на младите, да се приклучат на иницијативата и во долгорочното планирање и препораки за последиците од оваа криза.

Проценките на ефектите од економска криза во замав укажуваат дека цели групи луѓе ќе паднат во сиромаштија. Младите како работници со често погазени работнички права, се меѓу првите кои ги трпат последиците од отказите. Големиот број млади невработени ќе паднат уште подолу во редот за вработување. Учениците и студентите изолирани од врсниците се справуваат секојдневно во импровизираните онлајн училници. Нејасно е колку добиваат знаење, дали сите имаат пристап до онлајн наставата и како ќе се заврши учебната година. Пролонгираната изолација и попречената социјализација имаат негативен ефект врз менталното здраво и психолошката состојба на младите. Зголемено е домашното насилство, а младите жени, девојки и деца немаат услови да го пријават или да се заштитат поради ризикот од зараза. Зголемена е и ризичната употреба на психотропни супстанци. Стравот, вознемиреноста и стресот од оваа состојба догорочно ќе водат кон анксиозност, депресија и низа други појави.

За да се намалат овие последици врз младите, а со тоа и негативните последици врз општеството е изработен овој документ со  препораки од страна на 12 граѓански организации. Документот ги дава итните препораки за политики кои треба да се спроведат веднаш за да се намалат последиците додека трае изолацијата и вонредната состојба. Поради ургентноста и променливоста на ситуацијата, документот е објавен за институциите да можат да ги искористат овие препораки.

Во следните месеци, групата организации зад овој документ ќе започне со изработката на следното ниво препораки, кои ќе се однесуваат на периодот по најлошото од кризата, надминувањето на „пикот“, намалувањето на рестрикциите, укинувањето на вонредната состојба и соочувањето со долгорочните последици. Бидејќи е потребно сериозно планирање, консултации и иновација за да се најдат најдобрите решенија, ги повикуваме граѓанските организации, особено оние водени од млади или за млади, да се приклучат кон оваа иницијатива и да учествуваат во изработката на нови препораки, наменети да дадат препораки за светот на младите на долг рок. Организациите може да се пријават на следната врска.

Ги повикуваме институциите да ги сфатат овие препораки сериозно и да делуваат за добросостојбата на младите. Овие итни препораки целат да дадат информирана насока за потребни политики со чија навремена имплементација ќе се намалат последиците врз добросостојбата на младите. Сите генерации се погодени од оваа криза. Но последиците врз младите ќе одекнуваат најдолго.

Документот е изработен од следните организации: AРНО – Асоцијација за развој на нови опции, Младински образовен форум (МОФ), Реактор – Истражување во акција, Хелсиншки комитет за човекови права, Национална мрежа против насилство врз жени и семејно насилство, Психотерапика – Платформа за кризна акција за млади, ХЕРА – Асоцијација за здравствена едукација и истражување, ХОПС – Опции за здрав живот, Центар за интеркултурен дијалог (ЦИД) – Куманово, Сојуз за младинска работа (СМР), Сојуз на извидници на Македонија (СИМ) и Национален младински совет на Македонија (НМСМ).

Повеќе

ORGANIZATAT QYTETARE E FTOJNË QEVERINË E RMV-SË për të ndryshuar vendimin për të ulur në mënyrë drastike mbështetjen financiare për shoqërinë civile

Web cover ALB

Shoqëria civile dhe Këshilli për bashkëpunim dhe zhvillim të sektorit civil i bëjnë thirrje Qeverisë së Republikës së Maqedonisë së Veriut që të rishqyrtojë dhe ndryshojë vendimin e saj për të ulur në mënyrë drastike mbështetjen financiare për organizatat e shoqërisë civile, botuar në Gazetën Zyrtare të RMV më 9 prill 2020.

Ky vendim, me të cilin mbështetja financiare, në varësi të institucionit, ose është shfuqizuar plotësisht ose reduktuar rëndë, është marrë në një mënyrë jo transparente, pa u konsultuar me organizatat e shoqërisë civile, palët e interesuara dhe publikun e gjerë, i cili flet për qëndrimin joparimor të Qeverisë ndaj shoqërisë civile në këtë kohë krize. Me vendimin për të zvogëluar mbështetjen e nevojshme prej afro 525,000 euro, shteti de fakto përjashton shoqërinë civile si partner përkatës në trajtimin e krizës së shkaktuar nga epidemia e COVID-19.

Duke njohur urgjencën e situatës, organizatat e shoqërisë civile që nga fillimi i epidemisë u mobilizuan shumë shpejt dhe me efikasitet, vunë në dispozicion të gjitha resurset e tyre dhe përmes një seri aktivitetesh siguruan ndihmë të drejtpërdrejtë dhe humanitare për qytetarët më të prekur. Fatkeqësisht, Qeveria e RMV-së nuk e njeh këtë reagim të shpejtë për ndërmarrjen e veprimeve që kanë një rëndësi të madhe për qytetarët, por edhe për trajtimin e drejtpërdrejtë të krizës, si një partneritet në luftën kundër COVID-19. Për më tepër, vendimi për të zvogëluar mbështetjen financiare të Qeverisë së RMV-së pengon seriozisht qëndrueshmërinë dhe punën e vazhdueshme të organizatave, veçanërisht në drejtim të ndihmës dhe mbështetjes së tyre për bashkësitë në kohë krize.

Organizatat qytetare janë një segment I rëndësishëm në një shoqëri demokratike, ato kanë aftësi, njohuri, shërbime dhe qasje në grupet e synuara prioritare, të cilat shpesh janë shumë më të përshtatshme sesa ato të institucioneve shtetërore. Kjo gjendje e jashtëzakonshme ka prekur seriozisht shoqërinë civile, së bashku me të gjithë segmentet e tjera. Reduktimi i mbështetjes financiare privon sektorin nga një burim i konsiderueshëm i financimit të nevojshëm për të funksionuar brenda dhe jashtë kushteve të krizës, rrezikon qasjen e mbështetjes që organizatat ofrojnë për qytetarët dhe përfundimisht çon në një situatë në të cilën njerëzit e sektorit do të mbeten pa burime bazë të të ardhurave.

Shoqëria civile ka mirëkuptim të plotë për situatën e krizës në të cilën gjendemi, si dhe nevojën për solidaritet, por në kushte kur organizatat e shoqërisë civile po punojnë për të riparuar dëmet nga situata e re, me çka ndihmon Qeverinë e RMV-së në trajtimin e krizës shëndetësore, ulje të tilla serioze do të jenë të dëmshme për punën afatgjate të organizatave qytetare.Prandaj, i bëjmë thirrje Qeverisë që të ndryshojë vendimin e saj dhe përmes dialogut dhe në mënyrë transparente të kthejë një pjesë të fondeve për qëllimin e tyre fillestar – mbështetje të organizatave qytetare për të arritur misionet dhe qëllimet e tyre, por veçanërisht për të mbështetur aktivitetet për t'u ballafaquar
me krizën e shkaktuar nga epidemia.

Reagimi zyrtar i është dorëzuar Qeverisë së RMV-së, dhe teksti i plotë mund të gjendet në lidhjen e mëposhtme: https://bit.ly/34Pqbk7

Me nderime,

Совет за соработка со и развој на граѓанскиот сектор, Асоцијација за демократски иницијативи,
Гостивар; Блупринт група за реформи во правосудството; Виа вита, Битола; Доверба, Скопје;
ЕГАЛ, Скопје; ЕХО – Едукативно-хуманитарна организација, Штип; Заедно посилни; Здружение
Гласен Текстилец, Штип; Здружение Глобал, Битола; Здружение за давање услуги на лицата со
попреченост ХЕНДИМАК, Тетово; Здружение за дислексија АЈНШТАЈН; Здружение за едукација
на земјоделци Зелена берза, Битола; Здружение за еманципација, солидарност и еднаквост на
жените – ЕСЕ; Здружение за истражување и анализи ЗМАИ; Здружение за поддршка на
маргинализирани работници СТАР-СТАР; Здружение за правна едукација и транспарентност
Станица П.Е.Т., Прилеп; Здружение за рурален развој Локална акциона група Агро Лидер,
Кривогаштани; Здружение за унапредување и заштита на правата на работниците
Достоинствен работник, Прилеп; Здружение Мултикултура, Тетово; Здружение Национален
ромски центар, Куманово; Здружение Ромски деловен информативен центар на Македонија –
ЗРДИЦМ; Зона, Кавадарци; Избор, Струмица; Институт за демократија „Социетас цивилис“;
Институт за европска политика; Институт за човекови права; ИРИЗ – Иницијатива за развој и
инклузија на заедниците; Коалиција „Сите за правично судење“; Коалиција Маргини; Конект;
ЛГБТИ Центар за поддршка; Македонска платформа против сиромаштија; Македонски центар
за меѓународна соработка; Македонско здружение на млади правници; Медиа Плус, Штип;
Младински клуб, Штип; Младински културен центар – Битола; Младински образовен форум;
Мрежа за спречување и заштита од дискриминација; Национален младински совет на
Македонија; Национална мрежа против насилство врз жените и семејно насилство; НВО
„КХАМ“, Делчево; НВО Инфоцентар; Независен академски синдикат – НАкС; Опција, Охрид;
Платформа на граѓански организации за борба против корупција; Платформа за родова
еднаквост; ПРОФИЦИО – мултиетничка толеранција преку економски просперитет; Пулс,
Куманово; Реактор – Истражување во акција; Регионално географско друштво ГЕОСФЕРА,
Битола; Рурална коалиција, Куманово; Сојуз на здруженија за рурален развој Мрежа на
ЛАГови, Кривогаштани; Транспаренси Интернешнл – Македонија; Транспарентност
Македонија; FINANCE THINK – Институт за економски истражувања и политики; Фондација за
дебата и едукација ИДЕА Југоисточна Европа; Фондација за интернет и општество
Метаморфозис; Фондација за развој на локалната заедница, Штип; Фондација Отворено
општество – Македонија; Фондација ЦЕЕД Македонија; Фондацијата за образовни и културни
иницијативи „Чекор по чекор“; ФОРУМ – Центар за стратегиски истражувања и документација;
ХЕЛП, Гостивар; Хелсиншки комитет за човекови права; ХЕРА – Асоцијација за здравствена
едукација и истражување; ХОПС – Опции за здрав живот Скопје; Центар за граѓански
комуникации; Центар за едукација и тренинзи АКТИВ ЛАЈФ, Тетово; Центар за истражување и
креирање политики; Центар за истражувачко новинарство СКУП Македонија; Центар за правни
истражувања и анализи; Центар на заедницата на општина Струга, Струга

Повеќе

ГРАЃАНСКИТЕ ОРГАНИЗАЦИИ ЈА ПОВИКУВААТ ВЛАДАТА НА РСМ да ја промени одлуката за драстично намалување на финансиската поддршка за граѓанското општество

Web cover

Граѓанското општество и Советот за соработка со и развој на граѓанскиот сектор ја повикуваат Владата на Република Северна Македонија да ја преиспита и промени својата одлука за драстично намалување на финансиската поддршка за граѓанските организации, објавена во Службен весник на РСМ на 9 април 2020 година.

Оваа одлука со која финансиската поддршка, зависно од институцијата, или целосно се укинува или сериозно се намалува, е донесена на нетранспарентен начин, без консултација со граѓанските организации, засегнатите страни и пошироката јавност, што говори за непринципиелниот однос на Владата кон граѓанското општество во ова кризно време. Со одлуката со која се намалуваат приближно 525.000 евра неопходна поддршка, државата де-факто го иззема граѓанското општество како релевантен партнер во справувањето со кризата предизвикана од епидемијата на COVID-19.

Препознавајќи ја итноста на ситуацијата, граѓанските организации уште од самиот почеток на епидемијата многу брзо и ефикасно се мобилизираа, ги ставија на располагање сите свои ресурси и преку низа активности обезбедија директна и хуманитарна помош за најпогодените граѓани. Оваа брза реакција за преземање активности кои се од огромно значење за граѓаните, но и за директно справувањето со кризата, за жал Владата на РСМ не ја препознава како партнерство во борбата со COVID-19. Дотолку повеќе, одлуката за намалување на финансиската поддршка на Владата на РСМ сериозно ја отежнува одржливоста и тековната работа на организациите, особено во однос на нивната помош и поддршка на заедниците во време на криза.

Граѓанските организации се клучен сегмент во едно демократско општество, тие имаат вештини, знаење, услуги и пристап до приоритетните целни групи, коишто најчесто се многу посоодветни од оние на државните институции. Оваа вонредна состојба, сериозно го погоди и граѓанското општество заедно со сите останати сегменти. Намалувањето на финансиската поддршка го лишува секторот од значаен извор на средства неопходни за функционирање во и вон услови на криза, ја загрозува достапноста на поддршката што организациите ја пружаат на граѓаните и во крајна линија ќе доведе до ситуација во која луѓе од секторот ќе останат без основниот извор на приходи.

Граѓанското општество има целосно разбирање за кризната состојба во која се наоѓаме, како и за потребата од солидарност, но во услови кога граѓанските организации работат на санирање на штетите од новонастанатата ситуација, со што помагаат на Владата на РСМ во справувањето со здравствената криза, вакви сериозни намалувања ќе бидат штетни по долгорочната работа на граѓанските организации.
Заради тоа ја повикуваме Владата да ја промени својата одлука и преку дијалог и на транспарентен начин да врати дел од средствата за нивната првична намена – поддршка на граѓанските организации за остварувањето на нивните мисии и цели, но особено за поддршка на активностите за справување со кризата предизвикана од епидемијата.

Официјалната реакција е доставена до Владата на РСМ, a целосниот текст можете да го
најдете на следниот линк: https://bit.ly/34Pqbk7

Со почит,
Совет за соработка со и развој на граѓанскиот сектор, Асоцијација за демократски иницијативи,
Гостивар; Блупринт група за реформи во правосудството; Виа вита, Битола; Доверба, Скопје;
ЕГАЛ, Скопје; ЕХО – Едукативно-хуманитарна организација, Штип; Заедно посилни; Здружение
Гласен Текстилец, Штип; Здружение Глобал, Битола; Здружение за давање услуги на лицата со
попреченост ХЕНДИМАК, Тетово; Здружение за дислексија АЈНШТАЈН; Здружение за едукација
на земјоделци Зелена берза, Битола; Здружение за еманципација, солидарност и еднаквост на
жените – ЕСЕ; Здружение за истражување и анализи ЗМАИ; Здружение за поддршка на
маргинализирани работници СТАР-СТАР; Здружение за правна едукација и транспарентност
Станица П.Е.Т., Прилеп; Здружение за рурален развој Локална акциона група Агро Лидер,
Кривогаштани; Здружение за унапредување и заштита на правата на работниците
Достоинствен работник, Прилеп; Здружение Мултикултура, Тетово; Здружение Национален
ромски центар, Куманово; Здружение Ромски деловен информативен центар на Македонија –
ЗРДИЦМ; Зона, Кавадарци; Избор, Струмица; Институт за демократија „Социетас цивилис“;
Институт за европска политика; Институт за човекови права; ИРИЗ – Иницијатива за развој и
инклузија на заедниците; Коалиција „Сите за правично судење“; Коалиција Маргини; Конект;
ЛГБТИ Центар за поддршка; Македонска платформа против сиромаштија; Македонски центар
за меѓународна соработка; Македонско здружение на млади правници; Медиа Плус, Штип;
Младински клуб, Штип; Младински културен центар – Битола; Младински образовен форум;
Мрежа за спречување и заштита од дискриминација; Национален младински совет на
Македонија; Национална мрежа против насилство врз жените и семејно насилство; НВО
„КХАМ“, Делчево; НВО Инфоцентар; Независен академски синдикат – НАкС; Опција, Охрид;
Платформа на граѓански организации за борба против корупција; Платформа за родова
еднаквост; Пулс, Куманово; Реактор – Истражување во акција; Регионално географско друштво
ГЕОСФЕРА, Битола; Рурална коалиција, Куманово; Сојуз на здруженија за рурален развој
Мрежа на ЛАГови, Кривогаштани; Транспаренси Интернешнл – Македонија; Транспарентност
Македонија; FINANCE THINK – Институт за економски истражувања и политики; Фондација за
дебата и едукација ИДЕА Југоисточна Европа; Фондација за интернет и општество
Метаморфозис; Фондација за развој на локалната заедница, Штип; Фондација Отворено
општество – Македонија; Фондација ЦЕЕД Македонија; Фондацијата за образовни и културни
иницијативи „Чекор по чекор“; ФОРУМ – Центар за стратегиски истражувања и документација;
ХЕЛП, Гостивар; Хелсиншки комитет за човекови права; ХЕРА – Асоцијација за здравствена
едукација и истражување; ХОПС – Опции за здрав живот Скопје; Центар за граѓански
комуникации; Центар за едукација и тренинзи АКТИВ ЛАЈФ, Тетово; Центар за истражување и
креирање политики; Центар за истражувачко новинарство СКУП Македонија; Центар за правни
истражувања и анализи; Центар на заедницата на општина Струга, Струга

Повеќе

Честитка по повод 8 април, Меѓународниот ден на ромите

Flag_of_the_Romani_people

Почитувани,

Во името на целото раководство и членство на Национален младински совет на Македонија го честитам 8 април – Меѓународниот ден на ромите. Почитувани,мултикултурализмот и  еднаквоста треба да бидат најважен приоритет во нашето секојдневно делување. Заедничката битка за унапредување на правата на ромите е наш заеднички предизвик.

НМСМ ги застапува интересите и потребите на сите млади луѓе во државава, заеднички ќе се залагаме за сузбивање на стереотипите и предрасудите кон ромската заедница.  Да продолжиме да делуваме во градењето на еднакво општество за сите млади, општество во кое младите ќе имаат еднаков третман, еднакви можности и подобар стандард.

Со почит
Бојан Петровски
Претседател на Национален младински совет на Македонија

Повеќе

Реакција на објавен оглас за финансиска поддршка на здруженија и фондации од 01.11.2019 од страна на Агенција за млади и спорт

logo-na-bela-pozadina (1)

Националниот младински совет на Македонија како најголемо претставничко тело на младите изразува загриженост во однос на (не)транспарентноста на објавениот оглас за финансиска поддршка на здруженија и фондации, објавен на 01.11.2019 од страна на Агенцијата за млади и спорт.

Сметаме дека објавениот повик не е доволно промовиран, ниту младинските организации се информирани
за можноста за финансиска поддршка. Дадениот рок од само осум (8) дена, од кои само пет (5) се работни, е
прекраток за организациите да можат да се информираат за повикот и да ја подготват неопходната
документација. Ваквата практика на Агенцијата за млади и спорт е загрижувачка и не остава простор за
широко информирање на младинските организации и организациите за млади.

Го изразуваме и нашето длабоко разочарување поради неприфаќање на ниту една препорака дадена на
консултативните средби во однос на конкретниот повик. Прашуваме зошто Агенцијата за млади и спорт
прави консултативни средби со младински организации кога нивните препораки не ги зема во предвид?
Дали консултациите се само декларативно покажување на отвореност и соработка или Агенцијата за млади
и спорт навистина се стреми да работи со и во интерес на младите и младинските организации?

Поради ова, итно бараме да се направи ревизија на објавениот повик, така што ќе се земат во предвид
дадените препораки, објавениот повик ќе биде промовиран во јавноста и ќе се продолжи рокот за
доставување на апликации.

Покрај тоа, би сакале да дадеме препорака за идните повици Агенцијата за млади и спорт да има изработено
временска рамка, односно календар кој предвремено би најавувал кога би имало отворени повици за
грантирање на младински организации со однапред утврден рок, со цел организациите да имаат доволно
време за подготовка.

НМСМ се залага за отворено и достапно финансирање на младинските организации, пред се оперативни
грантови за една или повеќе години.
На тој начин младинските организации ќе можат поактивно да работат со младите и ќе мотивираат
младинско учество преку целата година.

Со почит,
Национален младински совет на Македонија

Повеќе

[WEB4YES] Јасно и гласно за младинско вработување! – Студиска посета

logo-na-bela-pozadina (1)

Од 7 – 11 октомври 2019 година, претставници од граѓански организации кои се грантисти на програмата, учествуваа во студиска посета на Шведска и Данска.

Целта на посетата беше зајакнување на капацитетите на 18 наградувани организации од Западен Балкан преку учење за механизми и примери на добри практики во Шведска и Данска во однос на политиките за вработување на младите.

Во текот на студиската посета, стипендистите прво имаа можност да ја посетат Danish Trade Union Confederation во Копенхаген признаена како најрепрезентативна организација на работниците во приватниот и јавниот сектор на национално ниво. Еден од интересните податоци што откривме е дека минималната плата на час не е регулирана во Данска, како и други елементи како што се отсуства, права и обврски управувани со колективен договор.

Шведската синдикална конфедерација е чадор организација со 14 филијали кои организираат работници во приватниот и јавниот сектор. Во разговор со претставник на Конфедерацијата WEB4YES, делегацијата дозна како Конфедерацијата се залага за работнички права и се залага за подобри работни права, како и за важноста од комуникацијата со образовните институции, без разлика дали е јавна или приватна, и заеднички, да се создаде професионални профили кои ќе одговараат на потребите на пазарот на трудот.

Во рамките на Универзитетот во Малме, делегацијата WEB4YES се запозна со работата на организацијата Drivhuset која спроведува менторски програми за поддршка на студентите да ги активираат своите иновативни идеи за претприемништво. Соодветно на тоа, Drivhuset обезбедува индивидуално тренирање на студенти по претприемништво, а тренерите доаѓаат од различни области и експертиза. Преку интерактивна сесија помеѓу презентирање на успешни претприемнички вложувања и грантови за кои студентите можат да аплицираат, домаќините го споделија фактот дека над 50% од студентите кои доаѓаат со претприемачки идеи се мигранти (млади од Западен Балкан).

Студиската посета на Шведска и Данска беше организирана во рамките на проектот WEB4YES – регионална иницијатива чија цел е зајакнување на граѓанските организации да учествуваат во донесувањето одлуки и застапување за промени во политиките за вработување на млади во 6 земји од Западен Балкан.

web4yes1 web4yes2 web4yes3 web4yes4 web4yes5

Повеќе

МЛАДИХАБ – Дигитална младина

IMG_4225

По повод Меѓународниот ден на младите – 12 Август, Националниот младински совет на
Македонија со особена чест ја најавува промоцијата на проектот “МЛАДИХАБ – Дигитална
младина

MLADIHUB е новиот проект на Националниот младински совет на Македонија кој има цел развој и унапредување на дигиталните вештини кај младите од 15-29 години во размена за општокорисна работа. Во соработка со Стопанската комора за информатички и комуникациски технолгии – МАСИТ,  програмата на MLADIHUB центарот  ќе цели за премостување на јазот помеѓу потребите за дигитални вештини, јавниот сектор и потенцијалот на младите  во нашата земја.    Во зависност од нивните вештини, интереси и потреби во општините каде што живеат, младите ќе треба да учествуваат во различни општокорисни активности и со тој начин ќе се здобијат со ваучер за учество и следење на обуките. Во моментов се спроведуваат два  вида на истражувања меѓу кои  истражувањето за барањата на пазарот за дигитални вештини и врз основа на добиените податоци ќе се дизајнираат и програмите од страна на НМСМ и МАСИТ. Од друга страна пак,  од податоците добиени од  истражувањето  за потребите за општокорисна работа ќе се разгледаат можностите за спроведување на програма   каде младите ќе можат да учествуваат во активности за позитивен придонес во општеството.

Повеќе детали и информации околу програмата, времетрањето на обуките и начинот на аплицирање ќе бидат објавени наскоро на сите канали за комуникација на НМСМ и MLADIHUB.

Овој проект е подржан од Британската амбасада во Скопје и Фондот за добро владеење УКАИД,  имплементиран од стана на НМСМ и МАСИТ со поддршка на Претседателот на Република Северна Македонија.

Повеќе

Барање за измени на Предлог Закон за данок на личен доход

logo na bela pozadina

По иницијатива на Националниот младински совет на Македонија, Младинскиот образовен форум и Центарот за интеркултурен дијалог, група граѓански организации поднесоа барање за измени на Предлог Закон за данок на личен доход до министерот за финансии Г. Драган Тевдовски.

Во прилог може да ја прочитате содржината на барањето.

Ви се обраќаме со барање за менување на една од точките во предложените измени во Закон за данок на личен доход. Конкретно, во предлог измените на законот се предлага измена која ќе се одрази негативно на работата на здруженијата на граѓани и организациите, а најмногу на младинските организации и организациите кои работат за млади.

Станува збор за точката 41), став (1) од член 12, Надоместоци на кои не се плаќа данок на доход:
41) надоместоци на трошоци за сместување, храна и превоз за лица кои се учесници на настани со времетраење не повеќе од 5 дена, организирани во рамки на активностите на организацијата основана согласно со Законот за здруженија и фондации, утврдени врз основа на документи за направените трошоци;
Со оваа точка се воведува плаќање на данок на доход за сместување, храна и превоз за учесници на настани кои траат повеќе од 5 денови организирани од организации основани според Закон за здруженија на граѓани и фондации. Сметаме дека оваа точка треба да се промени и да важи за сите настани без да има временско ограничување. Причините поради кои го бараме ова од вас се следните:

1. Воведувањето на оданочување за настани над 5 денови ќе се одрази најмногу на младинските организации и организациите кои работат за млади. Младите во Македонија се справуваат со многу предизвици – невработеност, низок стандард, малку социјални и културни можности и други фактори кои резултираат со разочараност, бесперспективност и високи стапки на иселување на младите од државата. Младинските организации се меѓу оние кои најмногу прават да се надминат овие проблеми и обезбедуваат активности за млади кои им го подобруваат животот и личниот развој – од јавни настани до бројни обуки, работилници и размени. Многу од овие активности траат над 5 денови. Ова оданочување ќе се одрази директно на младите во земјата и младинските организации кои посветено работат да им го направат животот подобар. Данокот ќе влијае на намалување на буџетите за активности, со што помалку млади ќе можат да ги користат.

2. Постојат многу активности за млади организирани од граѓански организации кои траат повеќе од пет денови. Тука влегуваат и активности организирани со поддршка на Регионалната канцеларија за младинска соработка (РИКО), Европската младинска фондација на Советот на Европа, Еразмус+ и други програми. Овој данок ќе влијае на намалување на бројот на корисници кои може да ги користат програмите или намалување на нивната должина што ќе се одрази на квалитетот. За илустрација, подолу во ова писмо Ви наведуваме активности кои во самите насоки за спроведување се во времетраење значајно подолго од 5 денови.

3. Нејасно е од каде се јавува предлогот за оданочување на овие трошоци за настани над 5 денови (или 3 денови како што стоеше во првиот предлог на законот, објавен за коментари на ЕНЕР). Прашуваме врз основа на каква анализа е дојдено до овој рок? Во Проценката на влијание на регулативата исто така нема објаснување за оваа промена.

4. Нелогично е што во истиот предлог закон, синдикатите целосно се ослободуваат од овие давачки, додека се воведуваат за здруженијата на граѓани и фондациите. Врз основа на каква анализа е проценето дека синдикатите треба да бидат ослободени од овој трошок, а не и здруженијата на граѓани и фондации?

6. Минатата година, со измените на истиот закон од 1.1.2018, се појасни дека не се плаќа овој данок за вакви активности. Со овие измени помалку од една година подоцна, се предлага да се воведе. Врз основа на што е дојдено до оваа проценка? Потсетуваме дека ваквите ад хок неплански промени придонесуваат кон креирање на неповолна и несигурна правна средина за работа на здруженијата на граѓани во Македонија.

7. Meнувањето закони без најава и јавна дебата ја зголемува правната несигурност на здруженијата. Постојат проекти кои се со времетраење од повеќе години, кои веќе се во имплементација. Ваква мерка ќе направи дополнителни проблеми во буџетирањето, ќе се влијае на планирани активности, ребалансирање на буџети и последици кон работењето на организациите и преземените обврски кон донаторите.

8. Ваквите надоместоци (сместување, храна и превоз за учество на настани организирани од организации основани според Законот за здруженија и фондации) се неопходни трошоци за остварување на дејноста на здруженијата, и не се доход на учесниците на настаните и другите лица кои учествуваат во нив (многу од кои се често и малолетници), и не треба да се оданочат со персонален данок.

Од овие причини погоре, бараме од Вас да ја коригирате точка 41), став (1) од член 12, од истата да се отстрани временското ограничување и истата да гласи:
Надоместоци на кои не се плаќа данок на доход:
41) надоместоци на трошоци за сместување, храна и превоз за лица кои се учесници на настани, организирани во рамки на активностите на организацијата основана согласно со Законот за здруженија и фондации, утврдени врз основа на документи за направените трошоци;
Сметаме дека доколку остане предложената измена во законот за оданочување на трошоците за сместување, храна и пат за настани над 5 денови организирани од здруженија на граѓани и фондации, ќе бидат оштетени граѓанските организации и корисниците на нивните активности. Посебно ќе бидат оштетени младинските организации и младите кои ги користат нивните програми. Сметаме дека образложивме зошто овој предлог е неоснован, не е потркепен со анализи, во спротивност со постоечките програми кои се спроведуваат во Македонија и непожелен за младите.

Нашата земја и нејзините институции треба во прв план да ги стават младите, кои се една од социјално загрозените групи и категорија која масовно си заминува од земјата. Наместо да се стават младите и работата на младинските организации како приоритет, со ваква измена само се прави штета врз нивните можности и работа.

Барањето е поддржано од 87 организации, целосното обраќање како и сите организации кои го поддржаа барањето можете да ги пронајдете тука.

Повеќе

Најава за Генерално собрание на НМСМ на 10 ноември 2018

logo na bela pozadina

Национален младински совет на Македонија (НМСМ) ги поканува своите организации членки на Генералното собрание кое ќе се одржи на 10 ноември во сала за Седници на Град Скопје (барака 13).

Номинирањето на делегати за собранието може да го направите со пополнување на формата за номинација за делегат, која треба да биде потпишана, со печат и скенирана да ја доставите на applications@nms.org.mk, најкасно до 26 октомври, 16 часот.

Воедно, ве известуваме дека се објавени и повици за:
– член на Управен одбор на НМСМ (форма за пријавување)
– член на Комисија за членство

Целосните повици можете да ги прочитате овде, а рокот е до 26 октомври 2018:
Повик за член на Управен одбор на НМСМ (pdf)
Повик за член на Комисија за членство (pdf)

Повеќе