Членки

ЗЕОООП Скопје овозможува едукација и проучување за важноста на образованието за животната средина во модернизација на образовниот процес, од гледна точка на социјалната екологија како посебна социологија која го проучува специфичен однос помеѓу човекот и неговата околина.

Млади од семејна разновидност

Млади од семејна разновидност е младинска организација која се залага за правата на децата и младите од еднородителски и самохрани семејства, а воедно и различни семејни конструкции. Мисијата на здружението е унапредување на родовата еднаквост и политики, социјална и економска заштита, со цел подобрен третман за овој тип на семејства.

Здружение zа Младински Актиивизам Младинска Граѓанска Акција С.Новаци

Здружението за младински активизам „Младинска Граѓанска Акција“ – Новаци е младинска организација која работи на личен и професионален развој на младите, поттикнување на младинското учество и активизам и развој на локалната заедница. Посебен фокус става на младите од руралните средини преку неформално образование, волонтерство, култура, екологија, граѓанско учество и создавање можности за активно вклучување на младите во процесите на локален развој.

Организации за млади

Аква Струга

Мисијата на АКВА е да придонесе кон локалниот развој, локалната демократија и граѓанскиот активизам во регионот на Струга, Охрид и Вевчани. АКВА ја зајакнува улогата на граѓанскиот сектор во локалниот развој и областите добро владеење и донесување одлуки, го поддржува и јакне младинскиот активизам во локалната заедница, го зголемува учеството во процесите на европска интеграција на локално и национално ниво. Програми: добро владеење, млади и соживот, ЕУ интеграции, мониторинг и истражување, граѓански активизам, иницијативи во заедницата, застапување и лобирање.

Фондација за развој на локалната заедница - ФРЛЗ Штип

Фондацијата за развој на локалната заедница – Штип е прва фондација за заедницата во Република Македонија. Она кон што тие се стремат е засилена демократизација на Република Северна Македонија и развој на консолидација на граѓанско општество, зајакнато учество на младите луѓе во општеството, подобрен локален економски развој, подобрување на локалните политики и засилување на децентрализацијата, преку активно учество на граѓаните. Дополнително, тие нудат правна, финансиска и техничка поддршка на граѓански организации.

Џуниор Ачивмент Македонија

Џуниор Ачивмент Македонија е основана на 30 октомври 2017 година, како една од 123 членови на JuniorAchievementWorldwide која ги поттикнува и помага младите за идните работни места и е дел од регионалниот оперативен центар на JA Worldwide во Европа – JA Europe. Главната дејност на организацијата е спроведување на програми за претприемничко образование, финансиска писменост и подготвеност за работа на средношколци. Во центарот на дејноста се наоѓа програмата за Ученички компании, која ги поттикнува средношколците да работат на развивање на бизнис идеја за време на учебната година и на практичен начин да се здобијат со знаења, вештини и компетенции како што се креативност, самодоверба, преземање иницијатива…

Младински културен центар - Битола

Визија на МКЦ Битола е развиено демократско општество во кое младите се носители на прогресот. Мисија е обединување и развој на креативните потенцијали на младите и поттикнување на граѓанскиот активизам. Нивни долгорочни цели се развој на волонтерството и неформалната едукација, развој на демократското и граѓанското општество, развој на урбаната култура и продукција, додека пак краткорочните цело се одржлив развој на Волонтерски центар на Македонија, подобрување и јакнење на вештините кај младите, поддршка и поттикнување на граѓанските иницијативи и кампањи, поддршка и афирмација на урбаната култура.

Фондација Метаморфозис - Скопје

Фондацијата Метаморфозис е организација која делува на национално и интернационално ниво. Нивниот тим е составен од активисти посветени на деморатијата. Нивната визија е општество во кое ангажираните и свесни граѓани активно се служат со иновативни алатки за остварување на своите граѓански права и одговорности, општество во кое тие се претпазливи во однос на влијанието и барањето одговорност од властите, притоа обезбедувајќи демократско, одговорно и подготвено владеење. Во склоп на Метаморфозис функционираат следниве програми: медиуми за демократија, општествена одговорност, едукација за иновации, човекови права на интернет.

Еко Живот

Здружението за заштита и унапредување на животната средина Еко-Живот Кавадарци е основано во 2010 година со цел заштита и унапредување на животната средина, подигнување на еколошката свест и вклученост на граѓаните, особено младите луѓе, спроведување на еколошки акции и проекти. Дел се од еколошката платформа „Зелена Македонија“, со активно учество, која има за цел неутрализирање на еколошките жешки точки. Имаат учествувано во 20 Еразмус+ проекти, повеќе локални и регрантирани европски проекти. Еко-Живот има голем број на активни членови и волонтери кои се од разновидни професии како екологисти, биолози, правник, експерти за пишување и спроведување на проекти и т.н.

ЛЕАД

LEAD е граѓанска организација основана од 10 индивидуи со позадина од граѓанскиот, приватниот, јавниот сектор и образованието. Организацијата тежнее да постигне состојба во која младите во партнерство со возрасните активно учествуваат во општествените процеси, преземаат лична одговорност за моменталната состојба и преку континуиран личен развој придонесуваат за подобро општество. Работата на LEAD се темели на креирање на едукативни програми кои поттикнуваат личен развој, институционално јакнење и одржливост. Нивната експертиза е креирање на едукациски програми и искуства, личен развој кај млади и лица што работат со млади, вештини за вработување, институционално јакнење на организации и компании.

Сумнал

Сумнал организира и изведува различни образовни и општествени активности, како и активности кои го градат карактерот во врска со материјалот кој се учи во редовните училишта и наставните планови подготвени од Министерството за образование и наука. За само неколку години услугите кои ги обезбедува Сумнал драстично се зголемија, иако организацијата остана верна на првичната мисија и цели. Преку соработка со заедницата, соработка со Советот на родители и воспоставување блиски односи со локалните училишта, Сумнал е во можност да ги идентификува и да започне да излегува во пресрет на дополнителните потреби на заедницата. Области во кои Сумнал делува: развој на граѓанското општество, меѓуетнички односи, толеранција, култура, деца, младинци и студенти, стари лица, здравје и здравствена заштита, информации, комуникација и медиуми.

Сфера Интернационал

Здружение за одржлив развој СФЕРА ИНТЕРНЕШНАЛ – Битола e здружение на млади и заради остварување на дејности и активности со кои ќе се подобри информираноста на граѓаните за заштита на животната средина и здрав живот преку нивно директно учество во активностите. Визијата на СФЕРА е чиста, еколошка животна средина во Република Северна Македонија и искористување на алтернативните извори за енергија. СФЕРА преку неформално образование поттикнува практикување на здрав живот, грижа за животната средина, активно учество на младите во РСМ и волонтерство.

Мултикултура

Мултикултура е водечка организација за граѓански права која промовира младински активизам и учество во донесување одлуки и развој на културна и меѓуетничка толеранција и соработка, основана во август 2000 година. иот форум како еден од органите на здружението го сочинуваат самите волонтери. Главен приоритет за работењето на здружението се меѓуетничките односи преку едукативни програми за поддршка на толеранцијата, мирот и разбирањето. Главните цели на здружението се:

Бесплатна правна помош, помош за обезбедување подобри услови за лицата со попреченост, како и обезбедување минимални услови за заштита на достоинството и моралниот интегритет на лицата со попреченост и нивните семејства,организирање на различни настани за преадаптирање на училишните простории за да се обезбеди лесен пристап до лицата со попреченост, активно учество на младите во одлучувањето на локално и национално ниво,меѓукултурен дијалог на национално и меѓународно ниво, толеранција и мирно решавање на конфликти, намалување на невработеноста и унапредување на социјалната интеграција на младите

Про Локал - Битола

Про Локал е здружение на граѓани основано во Битола во 2009 година со цел унапредување на развојните процеси. Про Локал е доброволно и непрофитно, непартиско и невладино здружение кое работи на подобрување на условите за живот на граѓаните, особено на младите и севкупен одржлив развој на општеството. Про Локал ја заснова својата работа на добрата интернационална пракса водејќи се од принципите на демократичност и вклученост. Про Локал е регионална организација која делува во различни области, притоа генерирајќи идеи и практични решенија за унапредување на развојот на локалните заедници, локално владеење, децентрализација, регионален развој, рурален развој, развој на одржлив туризам, вклучување на младите и застапување на нивните потреби од сите населени места, рурални и урбани, во Пелагонискиот регион. Во организацијата се вклучени над 15 експерти од горенаведените области кои работат на различни проекти финансирани од домашни и странски донатори.

Интерактив - Битола

Здружението за меѓународна младинска соработка ИНТЕРАКТИВ од Битола е непрофитна, граѓанска младинска организација која има за цел да обезбеди можности за локалната младина но и соработка со младите на меѓународно ниво. Здружението е основано во јули, 2017 година во Битола, Република Северна Македонија. Целта на здружението е да развива активности и можности за младите во сферата на неформалното образование, промовирање на здрави животни навики, културата и уметноста како и граѓанско општество кои ги поттикнуваат позитивните вредности кај младите луѓе.

Еко Логик - Скопје

Здружението на граѓани Еко Логик е непрофитна организација која е посветена на заштита и зачувување на животната средина, промоција на современи еколошки практики, како и следење и промовирање на принципот на одржлив развој.

ХЕРА - Асоцијација за здравствена едукација и истражување

ХЕРА е граѓанска организација која се залага за еднаков пристап до здравствени и социјални услуги, со посебен фокус на младите и маргинализираните групи на граѓани. Обезбедува бесплатни здравствени и психосоцијални услуги, како и едукации за сеопфатно сексуално образование. Преку застапување и партнерства, значително придонесува за развој на инклузивни политики и унапредување на човековите права.

ОДАС

Организација за дијалог и афирмација на средношколците и студентите (ОДАС)

ОДАС е невладина организација за млади која работи веќе 4 години со студенти и средношколци. Како организација го организиравме првиот Национален средношколски самит во 2022 година, постигнавме промена за полагањето на државната матура поради условите во образованието овие 4 години, реализираме голем број настани, работилници и дебати во областа на образованието, младинското учество
и младинските политики, а со цел поттикнување на иницијативност кај младите и застапување на нивните интереси.

СППМД Кавадарци

Советот за превенција против малолетничка деликвенција е невладина организација која работи на воспоставување на систем за правда за деца, превенција од детско престапништво, следење на институции и судски процеси, со цел заштита на детските права и правично судење. Делува и за подигање на јавната свест и зајакнување на довербата во институциите. Идејата произлегува од потребата за нов кодифициран систем за правда за деца.

Здружение Ековита

Здружението Ековита работи на Заштита и одржливо искористување на животната средина со вклучување на младите. Дејноста во која работиме е Екологија. Како здружение ние се залагаме за чиста животна средина и го слушаме гласот на граѓаните, односно, Архуската конвенција. Во нашето здружение работиме со биолози, млади агрономи, правник, младински активисти и волонтери. Нашето социјално претпријатие Mushroom network кое ќе одгледува печурки и истовремено ќе биде и сервис за одгледување печурки, во кој ќе се врши обука на лица кои припаѓаат во категоријата на: социално загрозени лица и млади невработени лица од рурални подрачја. Краткорочни цели кои се залагаме се: Давање стручна помош и поддршка за производство на различни видови печурки во производствениот погон, како мрежа ќе помогнеме и во делот на пласманот на печурките, ќе воспоставиме дигитална продавница за печурки – digital mushroom shop, ќе обезбедиме повеќе информации за хранливата вредност на печурките. Додека како Долгорочните цели – Намалување на невработеноста кај младите и влијание врз запирање на процесот на младинска миграција.

Иницијатива за правата на жени од Шуто Оризари

Здружение Иницијатива за правата на жени од Шуто Оризари делува во повеќе области и тоа: социјални права, здравствени права, дискриминација, сексуално-репродуктивни права, семејно и родово базирано насилство, повратници од странство. Ние како невладина организација која делува во Шуто Оризари и во други општини каде живее ромско население имаме голема улога бидејќи населението не препознава како женска организација која помага во остварување на правата на Ромките. Исто така нашата организација е позната по придружбите до надлежните органи со цел остварување на некое право на Ромите, по теренските активности во Шуто Оризари и во други општини каде живее ромско население и по помагање во делот на пополнување на документи и обрасци за остварување на правата.

ЦСИ Надеж - Скопје

Здружението Центар за социјални иницијативи Надеж е невладина организација која активно се залага за подобрување на квалитетот на живот преку овозможување еднаков пристап до квалитетно образование, социјална интеграција и кое промовира и реализира активности за стекнување на вештини на младите и маргинализираните заедници со фокус на Ромите во Р. Северна Македонија. Ц.С.И. НАДЕЖ работи активно на спроведување на четири стратешки приоритети: 1) Овозможување на воспитно-образовна поддршка на деца и млади од маргинализирани семејства; 2) Подржување на ре-интеграцијата и вклученоста на повратниците од Европските земји во локалните заедници; 3) Зголемување на вклученоста на младите во локалните заедници; 4) Подобрување на социјалната вклученост на маргинализираните групи преку концептот на социјално претприемништво. Здружението работи на национално и меѓународно ниво.

Жена Делчево

Организација Жена Делчево има мисија да ги зајакне жените, младите и маргинализираните групи да бидат активни чинители во сите области на општественото живеење, преку едукација, информирање и поттикнување на иницијативи и акции за одржлив развој. Делува во области на младинско учество и родова еднаквост, социјална инклузија, заштита на правата, зелена агенда и здравје. Промовира владеење на правото, меѓусекторска соработка за подобрување на состојбата на жените и младите.

OYA - Здружение Организирана Асоцијација на Младите

Organized Youth Association (OYA) е граѓанска организација посветена на унапредување на младинското учество, развојот и имплементацијата на младинските политики и зајакнувањето на активното граѓанство. Организацијата работи претежно во Полошкиот Регион, но активно делува и на национално и меѓународно ниво, во соработка со институции, општини, училишта, граѓански организации и меѓународни партнери. OYA управува и со Младинскиот центар во Гостивар, кој претставува простор за неформално образование, активно младинско учество, волонтерство и личен развој на младите.

Асоцијација на Обединети Нации на Република Северна Македонија

МУНА е младинска организација која преку симулации на Обединетите нации, образовни програми и младински иницијативи ги промовира вредностите и принципите на Обединетите нации, поттикнувајќи критичко размислување, лидерство, граѓанска одговорност и меѓукултурен дијалог. Организацијата придонесува за развој на активни млади граѓани кои се залагаат за мир, соработка, човекови права и одржлив развој.

Подмладоци на други организации

ЛИДЕМ - Либерално-демократска младина

ЛИДЕМ се подмладок на Либералната партија во Македонија. Како подмладок, тие се залагаат за промена на: корупција во образованието, лош студентски стандард, непризнаени дипломи, безперспективност, немање на можности за вработување, немање на можност за купување на сопствена стан, дискриминација по политичка, верска, национална, полова, сексуална, социјална и друга основа, еднакви права за жените и мажите, загадена животна средина и недоволна спортска активност.

СДММ - Социјалдемократска младина на Македонија

Социјалдемократската младина на Македонија дејствува заради остварување на следниве политички начела и цели: целосно почитување на човекот, на неговото достоинство и на неговите основни права и слободи, развивање на плуралистичко, праведно и солидарно општество на социјална демократија, развивање на економска демократија и остварување на правата на работниците, остварување на социјална и национална еманципација на граѓаните, развивање на Македонија како суверена, демократска и правна држава, обезбедување на сите човекови права и слободи на Македонците во соседните земји и развивање на постојана духовна и културна комуникација со нив и со иселениците.

Придружни членки

КМОП Скопје

Центар за семејно и детско згрижување- Атина, Грција подружница во Скопје - КМОП Скопје

КМОП Скопје е посветена на подобрување на животите на ранливите категории на лица преку социјални иницијативи, образование, истражување и социјални услуги. Нашата мисија е да им обезбедиме ресурси и можности на членовите на заедницата за достоинствен живот и активно учество во општеството, градејќи отпорност и помагајќи им да се прилагодат на промените. Со поддршка на локални заедници, КМОП Скопје создава одржливи решенија за инклузија и социјална промена, поттикнувајќи отпорност и просперитет за сите.

ЕЛСА Северна Македонија

ЕЛСА Северна Македонија е независна, непрофитна и невладина организација насочена кон студентите по право. Основана е на 05.09.1997 година во Скопје од група млади правници и е дел од европската ELSA мрежа. Во 1998 година, на Меѓународното Годишно Собрание во Опатија, нашата национална група стана полноправна членка на ELSA International.

Организацијата е целосно посветена на креирање можности за студентите по право преку семинари, конференции, програми за правно пишување, размена, пракси и тренинзи. Преку соработка со институции и организации, ЕЛСА овозможува пристап до дополнителни можности за развој и практично искуство. Денес, ЕЛСА Северна Македонија брои над 400 активни членови, како и алумни мрежа која продолжува да го поддржува нашето работење.

ПЕРИОД Скопје

ПЕРИОД Скопје е младинска организација која се бори против менструалната сиромаштија и стигма. Нашата работа се основа на три столба: образование, застапување и директна поддршка. ПЕРИОД Скопје обезбедува бесплатни менструални производи за лица во социјален ризик, млади и заедници со ограничен пристап до хигиенски производи. Активно работиме на застапување за менструална правда, преку иницијативи за унапредување на јавните политики, подобрување на тоалетната инфраструктура во образовните институции и обезбедување системски решенија за менструална еднаквост. Веруваме дека образованието е клуч за промена. Преку едукативни работилници, кампањи и програми, промовираме менструално образование и рушиме табуа поврзани со менструацијата, создавајќи општество што информира, поддржува и охрабрува.

СКЕЕОР

СКЕЕОР е студентска конференција посветена на енергетска ефикасност и одржлив развој, која овозможува размена на идеи меѓу студенти, професори и компании. Опфаќа теми како обновливи извори на енергија, автоматизација, паметни мрежи и ефикасни материјали. Покрај конференцијата, СКЕЕОР во текот на годината реализира едукативни проекти и активности за промоција на енергетска ефикаснот и одржлив развој.

Институт за млади Скопје

Институт за млади Скопје е невладина и непрофитна организација посветена на создавање безбедни, инклузивни и поддржувачки можности за младите. Организацијата работи во областа на менталното здравје и благосостојбата, личниот развој, неформалното образование, социјалната инклузија, здравите животни навики и младинското учество преку обуки, работилници, истражувања и активности во заедницата.