Националниот младински совет на Македонија објавува повик за ангажирање на графички дизајнер за подоготовка на дизајн на прирачници за функционирање на Националното собрание на млади и Националното советодавно тело за младински политики согласно Законот за младинско учество и младински политики за потребите на проектот „Функционални механизми за активно младинско учество на национално ниво“ . Главната цел на проектот е да се зајакне учеството на младите во процесите на носење одлуки на национално ниво преку воспоставување на механизмите во скогласност со Законот за младинско учество и младински политики. Проектот е поддржан со грант Национална интервенција на регионалниот проект „СМАРТ Балкан – Граѓанско општество за поврзан Западен Балкан“ имплементиран од Centar za promociju civilnog društva (CPCD), Центар за истражување и креирање политики (ЦИКП) и Институт за демократија и медијација (ИДМ) , а финансиски поддржан од Министерството за надворешни работи на Кралството Норвешка.
Дизајнерот ќе биде ангажиран во периодот од 15.09 – 30.09.2025 година. На повикот имаат право да се пријават сите сите заинтересирани физички и правни лица.

Се очекува дизајнерот да ги исполни следните задачи:
– Да подготви најмалку 3 предлози за дизајн на прирачниците кои ќе вклучуваат насловна страна и најмалку 2 страници со содржина;
– Да изработи дизајн на документот Прирачник со насоки за работа на Национално собрание на млади согласно Законот за младинско учество и младински политики;
– Да изработи дизајн на документот Прирачник со насоки за работа на Националното советодавно тело за младински политики согласно Законот за младинско учество и младински политики;
– Доставување на конечни верзии на дизајнираните прирачниците;
– Да одржува редовна комуникација со проектниот тим

Начин на аплицирање
Сите заинтересирани правни или физички лица потребно е да достават документи до 11.09.2025 година, на [email protected], со наслов „Апликација за графички дизајнер – SB – назив/име и презиме”. Во апликацијата потребно е да се содржани следните документи:

• Биографија на апликантот;
• Финансиска понуда (Анекс 2);
• Изјава за ексклузивност и достапност (Анекс 3);
• Изјава за непостоење на услови за исклучување на добавувач за извршување на услуги за проектот (Анекс 4, доколку аплицира правно лице).

Повеќе детали за условите и начинот на пријавување можете да најдете во документот „Услови за работа“.
Целосниот повик е достапен на следниот линк.