Këshilli Rinor Nacional i Maqedonisë shpall thirrje për angazhimin e një eksperti ose kompanie për përgatitjen e një strategjie komunikimi dhe brendimi për nevojat e projektit ‘’Mbështetje për Bordin Këshillimor Rinor të Delegacionit të BE-së në Maqedoninë e Veriut”.

Qëllimi kryesor i projektit është të forcohet roli i Youth Advisory Board (YAB) si një nxitës në proceset e hartimit të politikave të Delegacionit të Bashkimit Evropian, duke rritur ndikimin në politikat rinore në nivel kombëtar dhe evropian. Projekti fokusohet në forcimin e kapaciteteve të anëtarëve të YAB për hartimin e politikave të bazuara në evidencë, kuptimin më të mirë të procesit të integrimit evropian dhe angazhimin efektiv të të rinjve dhe komunitetit.

Detyrat e pritshme të ekspertit/kompanisë:

• Zhvillimi i strategjisë së komunikimit për Youth Advisory Board;
• Zhvillimi i identitetit vizual dhe udhëzimeve të brendimit;
• Propozimi i kanaleve dhe mjeteve të komunikimit për përmirësimin e dukshmërisë;
• Përgatitja e udhëzimeve për komunikim me të rinjtë dhe palët relevante të interesuara;
• Përgatitja e dokumentit final me rekomandime dhe plan për implementim.

Kualifikimet e kërkuara:

• Diplomë universitare ose trajnim/kualifikim relevant në fushën e komunikimeve, marketingut, marrëdhënieve me publikun, studimeve mediatike ose fushë të ngjashme;
• Minimum 3 vite përvojë profesionale në zhvillimin e strategjive të komunikimit, brendimit ose komunikimeve strategjike;
• Përvojë e dëshmuar në zhvillimin e strategjive të komunikimit për projekte, organizata

ose institucione;

• Përvojë në zhvillimin e brendimit dhe identitetit vizual;
• Përvoja në punë me organizata të shoqërisë civile, organizata ndërkombëtare ose projekte të financuara nga donatorë do të konsiderohet përparësi;
• Aftësi të shkëlqyera analitike, të shkrimit dhe komunikimit;
• Qasje e ndjeshme ndaj çështjeve rinore.

Kush mund të aplikojë:

Të gjitha personat fizikë dhe juridikë të interesuar. Personat juridikë mund të aplikojnë me ekip prej dy konsulentësh.

Mënyra e aplikimit:

Të gjitha personat fizikë dhe juridikë të interesuar mund të dorëzojnë dokumentet deri më 26.04.2026, në Këshillin  Rinor Nacional të Maqedonisë (rr. 29-ti Noemvri nr. 4v, 1000 Shkup) ose të skanuara në e-mail: [email protected], me subjekt: “Oferta e Strategjisë së Komunikimit – YAB – emri/emërtimi”.

Aplikimi duhet të përmbajë:

• Portofolin e aplikantit;
• CV-të e ekspertëve të propozuar (nëse aplikon person juridik);
• Gjendje aktuale e aplikantit (për persona juridikë, jo më e vjetër se një vit);
• Propozim metodologjie (Aneksi 2);
• Ofertë financiare (Aneksi 3);
• Deklaratë për mungesë të pengesave ligjore (Aneksi 4, nëse aplikon person juridik);
• Deklaratë për ekskluzivitet dhe disponueshmëri (Aneksi 5).

Më shumë detaje për kushtet dhe mënyrën e aplikimit mund të gjeni në dokumentin “Kushtet e punës”.

Thirrja e plotë është e disponueshme në linkun e mëposhtëm.